FESTA DOS MAIOS

CELEBRAMOS A FESTA DOS MAIOS NO DARÍA!

O xoves 30 de abril  celebramos a festa dos Maios no cole. Contamos coa colaboración de toda a Comunidade Educativa: alumnado, mestras e mestres,  educadoras e educadores e persoal de servizos ( Merchi e Zabaleta). Foi un traballo en equipo que fomos quen de levar a cabo pouco a pouco ao longo de toda a mañán. 

Primeiro, as nenas e nenos de Primaria, vestiron con fiunchos a estrutura que daba forma ao noso maio. 

O alumnado de Infantil encargouse de facer os colares de pampullos.

Os maiores puxeron as flores e o remate do maio en forma de pulpo, en homenaxe a nosa mascota da biblioteca, a PULPA DARÍA. 

Ao longo da semana, en cada clase fixeramos as coplas que habiamos de cantar o día da festa.

Coas flores e pampullos que nos sobraron, o alumnado de infantil ainda fixeron unha mandala...

E por suposto, non nos esquecemos de poñer na porta do cole a xesta como manda a tradición para non andar "amaiadas" todo o ano...

Foi un día moi, moi divertido onde  puxemos en valor a nosa tradición e a nosa creatividade. 

A ver que vos parecen as imaxes...

                           O FIUNCHO...

                          OS COLARES...     

O NOSO MAIO...

A MANDALA...

A XESTA NA PORTA  DO COLE...

MUNDO BECHOS.

  COMO NOS GUSTAN OS BECHOS!

O venres, 17 de abril tivemos unha visita moi, moi especial no cole. Miguel, un biólogo especialista en zooloxía, deixounos abraiados con toda a información que nos deu sobre os artrópodos e sobre todo, deixándonos tocar unha morea destes bechos. Pasamos un pouco de medo con algúns deles pero pagou a pena porque aprendemos moitas cousas sobre a importancia que teñen na natureza. Asemade, puidemos preguntar todas as dúbidas que tiñamos sobre os bechos pao que criamos no cole. Foi moi emocionante!

Becho pao

                                                             Araña

Becho folla

Bolboreta

Cangrexo de bosque

Escorpión

Mantis

Milpés

Saltón

Larva de escarabello

DIA DAS ARTES

 DÍA DAS ARTES. JOSÉ SUÁREZ.

Este ano a Real Academia Galega de Belas Artes escolleu ao fotógrafo JOSÉ SUÁREZ como protagonista do Día das Artes Galegas. José Suárez foi un fotógrafo destacado e singular dentro da fotografía histórica galega. É autor de reportaxes fotográficas sobre actividades profesionais galegas: oleiros, telleiros, segadores, mariñeiros e romeiros.

Nós na clase, vimos moitas das súas fotografías e gustounos tanto que decidimos facerlle unha homenaxe creando con materiais de refugallo a nosa propria cámara de fotos semellante á Nokia do artista.

Aí vos quedan as fotos do noso traballo a ver que vos parecen.

SALÓN DO LIBRO

 VISITAMOS O SALÓN DO LIBRO

O luns visitamos o SALÓN DO LIBRO. Este ano está dedicado á MÚSICA e o país invitado é PALESTINA.

Orbil saíu a recibirnos e despois fomos percorrendo todas as instalacións do Salón que estaba precioso e cheo de cousiñas marabillosas. 

María Campos contounos uns contos moi divertidos, despois puidemos tocar e escoitar diferentes instrumentos, de todo tipo. Non só os creados para facer música, tamén calquer obxecto que servise para emitir sons. Pasámolo en grande!

DÍA DA MULLER TRABALLADORA

 VISITOUNOS UNHA BOMBEIRA FORESTAL

Para celebrar  o 8M  visitounos Paula, unha bombeira forestal que nos explicou moitas cousas da súa profesión pero sobre todo destacou a importancia do traballo en equipo, de homes e mulleres en igualdade.

Falounos da roupa e calzado que tiñan que utilizar para protexerse do lume e poder facer con seguridade o seu traballo: botas, chaleco, casco, cobrenuca, pantalóns, guantes e chaquetón resistentes. Tamén nos contou que ferramentas se utilizaban: batelumes, gorgui, hacha, serras e motoserras, ademáis de mangueiras etc. 

E por suposto, o que máis nos interesou: que vehículos utilizan para desplazarse aos incendios ademáis do camión: helicóptero, hidroavión e avionetas. 

Quedamos encantadas/os coa visita e aprendemos o importante que é o seu traballo e o valentes e fortes que son. E que non só se dedican a apagar lumes, tamén a coidar, vixiar e protexer os montes.

CAMIÑADAS URBANAS

 ARREDOR DA HISTORIA DA LINGUA

O venres, 6 de marzo o alumnado de Educación Infantil, 1º e 2ºciclo de Educación Primaria  , fixemos unha camiñada urbana polo centro histórico de Pontevedra onde aprendimos a historia dos nomes desas rúas e prazas. Foi moi interesante e divertido.

Tamén aproveitamos a saída para coñecer a Praza de Abastos e o Museo Municipal.