O 25 de novembro é unha data sinalada no calendario para que nunca nos esquezamos de todas as persoas, sobre todo mulleres, que sofren este tipo de violencia. Pero tamén para fomentar valores entre o alumnado que permita eliminar esta lacra nas sociedades do futuro, das cales formaran parte os nenos e nenas da nosa escola.
Para conmemorar este día, no cole fixemos dous murais conxuntos, entre todo o alumnado do centro.
Cada neno e cada nena plasmou a súa man como recordo das vítimas desta violencia.
Ademais, tamén traballamos sobre o conto O CHUVASQUEIRO DE AURORA, de María Marquez, onde nos conta a situación dunha nena que sofre a violencia de xénero na súa casa e como se enfronta a este problema coa súa nai. Un libro imprescindible!
Depois, elaboramos un mural cunhas GOTAS moi especiais, onde os alumnos/as escribiron as súas mensaxes contra a violencia.
Ningún comentario:
Publicar un comentario