Xa estamos de volta! Comezamos o segundo trimestre celebrando o Día Escolar da Non Violencia e da Paz.
Trátase dunha data moi importante no calendario, pois este día permítenos recordar a importancia da non violencia e do respecto, valores fundamentais nunha sociedade onde cada vez máis vemos noticias sobre a guerra, o acoso escolar, ou a violecia de xénero, entre outras.
Dende o centro quixemos unir as nosas MANS nun MURAL, para dicir NON á violencia.
Ademais, cada neno e cada nena deseñou unha PULSEIRA DA PAZ, que o día 30 de xaneiro, logo dun acto na escola, se repartiron entre todo o alumnado.
