Para conmemorar o DÍA INTERNACIONAL CONTRA A VIOLENCIA DE XÉNERO realizamos unha actividade promovida dende o EDLG. Cada curso escolleu unha canción tradicional con contido machista e deulle a volta aos seus versos.
Con todas as producións creamos o seguinte vídeo:
Tamén decoramos a entrada do cole con palabras bonitas que poden facer as nosas mans:
E decoramos flores para regalarlle as nosas irmáns, nais, avoas, mestras, amigas... en definitiva, AS MULLERES DAS NOSAS VIDAS.
O pasado venres día
12 de novembro celebramos no cole o Magosto.
Descubrimos que o magosto é unha festa de orixe pagán, que logo foi cristianizada, e, como tódalas festas
de carácter agrario, pode situarse na Prehistoria, cando o ser humano vai
adquirindo consciencia individual e social. É unha festividade relacionada co
culto á fecundidade; de aí a súa relación directa co lume, representando ó sol,
deus fecundador da terra. Trátase amén dunha
comida comunitaria e ritual, que reforza os vencellos comunitarios do mundo
rural galego; ten carácter alegre e de acción de gracias polos froitos recollidos,
así coma de homenaxe ós castiñeiros e as castañas.
Como o celebramos
no cole?
FIXEMOS O LUME:
ASAMOS AS CASTAÑAS:
PAPÁMOLAS TODAS:
TIVEMOS XOGOS TRADICIONAIS:
E por suposto... PASÁMOLO XENIAL!
O venres 29 de outubro festexamos
o Samaín no noso cole e, PASÁMOLO XENIAL:
Aquí vos deixamos algunha proba...
 |
Hoxe presentámosvos un dos nosos proxectos estrela: DICHO DARÍA, no que os nenos e nenas dos diferentes cursos ensínannos o Galego dunha maneira moi entretida.
Velaquí van as diferentes temáticas:
INFANTIL: os animais.
1º CICLO: a roupa.
2º CICLO: a vexetación e a froita.
5º EP: o tempo e o clima.
6º EP: os refráns.
Botádelle un ollo ao Instragram do cole, onde están os vídeos xa colgados: FAI CLIC AQUÍ
COÑECEMOS A DARÍA
GONZÁLEZ GARCÍA.
Daría González García,
nada en Pontevedra en 1912 e finada na mesma cidade o 20 de xaneiro de 1999,
foi unha mestra e política galega.
Estudou o
bacharelato en Pontevedra e ao rematar matriculouse na Universidade de Santiago
de Compostela e licenciouse en Filosofía e Letras (sección Historia) en 1935,
sendo pioneira da presenza feminina na universidade. Foi unha das poucas mulleres
que participaron no Seminario de Estudos Galegos como socia protectora, pois
era irmá dun dos membros do SEG: Sebastián González García-Paz. Militou no
Partido Galeguista desde 1932.
Non lle permitiron
presentarse ás oposicións de Adxuntos de Instituto polos seus antecedentes
políticos, polo que se pasou á Administración do Estado e pertenceu á primeira
promoción de mulleres Técnico da Administración Civil do Estado, adscribiuse á
Inspección de Traballo de Pontevedra. Tamén estudou Maxisterio e graduouse en
1949.
En 1950 creou en
Pontevedra o Colexio Inmaculada co seu marido Francisco Cerviño, Blas Arias,
Ángel Piñón, e as súas esposas, Pilar Torrado e Concha Cimadevila. Foi docente
neste colexio ata 1954, logo exerceu como profesora nos institutos de Marín e
Pontevedra.
Foi socia fundadora
da Fundación Alexandre Bóveda, formou parte da xunta reitora da Fundación
Castelao, estivo vinculada ao Museo de Pontevedra e tivo un destacado papel na
cultura local pontevedresa.
Foi elixida
concelleira de Pontevedra por Unidade Galega nas primeiras eleccións
democráticas e foi tenente de alcalde de Cultura entre 1980 e 1983. Abandonou a
política en 1983, logo do fracaso da súa candidatura no Partido Galeguista nas
municipais de 1983.
Foi Premio Cidade
de Pontevedra en 1988 e Premio Amigos de Pontevedra en 1989.
Casou con Francisco
Cerviño Xesteira, avogado e profesor de Historia, e tivo tres fillos:
Francisco, Enrique e Carlos Cerviño González.
Benvidos e benvidas ao blog do Equipo de Dinamización da lingua galega do CEIP DARÍA GONZÁLEZ GARCÍA.
Aquí publicaremos as
actividades que facemos no cole para fomentar o uso da nosa lingua e moitas
cousas máis.
Unha aperta a todas e
todos!
A mellor forma de rematar o curso en lingua galega é participando na festa da nosa lingua: o CORRELINGUA. Nesta festa, primeiramente, re...
