Correlingua

 

A mellor forma de rematar o curso en lingua galega é participando na festa da nosa lingua: o CORRELINGUA.

Nesta festa, primeiramente, realizamos unha andaina con alumnado e mestres doutros centros levando un cartaz de centro e dorsais con palabras en galego. Seguindo o proxecto de centro “Viaxando polo mundo”, este ano pensamos palabras relacionadas coas viaxes, os medios de transporte, os países e incluso fenómenos atmosféricos... pero sempre, en lingua galega, escribíndoas na nosa lingua nos dorsais personalizados con marcos de viaxes. A continuación, escoitamos o pregón e desfrutamos bailando ao son de cancións en galego cantadas polo grupo infantil “Gramola Gominola”. E finalizamos a festa galega coa solta de globos de cores celebrando a diversidade da cultura galega. 

Pasámolo en grande!

Dende aquí até acolá, galego xa!

Semana das Letras Galegas

 

Para coñecer a vida e obra de Luísa Villalta, o alumnado puido ler algúns libros que falaban da mesma.

Con "A nosa estrela" (libro ilustrado), "Melodía de palabras" e "Tinta do mar", descubrimos a súa infancia, xuventude e a súa repercusión xa de adulta; e con "Alma de violino" e "Sempre infinita", a súa obra.

Así mesmo o alumnado realizou por cursos unidades didácticas sobre a autora de Seminario Galán. Isto permitíulle poder xogar posteriormente e responder preguntas no panel de robótica mentres se divertían traballando direccións e trayectorias co uso do beebot.

Día da Muller

 Para o 8 de Marzo gustounos debuxar as mulleres máis importantes das nosas vidas, coñecendo un pouco de historia da celebración deste día nesta data (que podiamos ler na parte de abaixo do mural) e investigando sobre algunhas mulleres galegas das nosas familias e das súas vidas e costumes no pasado, por medio de entrevistas persoais e infografías.

Día de Rosalía de Castro

 Outra das actividades que amenizaron os nosos días no colexio e que nos fixeron aprender sobre a vida e obra de Rosalía de Castro, ao tempo que cantabamos e a debuxabamos, foi a organizada polo grupo Polo correo do vento. Grupo ao que xa coñecemos pero co que sempre aprendemos cousas novas sobre autores galegos. Grazas pola visita!

Día da Paz e da Non Violencia

 Boas amigos.

Dende o ENLG queríamosvos contar algunhas das actividades que fomos realizando tamén durante o segundo trimestre.

Comezamos en Xaneiro conmemorando o Día da Paz. Neste día, ademáis de crear un mural de bandeiras de todos os países do mundo nas nosas mans debuxadas e de cantar a canción da Mochila da Paz entre todo o alumnado, tamén nos encantou pegar as nosas "apócemas máxicas da Paz" cos ingredientes que cremos que son necesarios para lograr a paz no noso día a día.

Aproxímase o último día do primeiro trimestre...

 E dende o CEIP Daría queremos convidarvos a nosa festa de fin de ano. Xa non queda nada para rematar o 2023.

Magosto no Daría

 

A parte do tradicional asado de castañas, no Magosto do curso 2023- 2024, pasámolo en grande participando nos grupos das clases en oito xogos vernáculos de Galicia (carreiras de sacos, recollida de mazorcas, rá, bolos, tirasoga, brincadeiras, mariola e reloxo). Aquí vos deixamos algunhas imaxes e vídeos da nosa xornada outonal celebrada o dezasete de novembro.