A NOSA LINGUA GUAPA

 

A orixe da nosa lingua guapa

Unha meiga, unha profesora e un grupo de nenas e nenos ben espelidos protagonizan do CPI Santa Lucía de Moraña a primeira película de ficción da Real Academia Galega, baseada en feitos abraiantes pero reais como a vida mesma. Non perdades a fascinante historia do nacemento dun idioma especial coma ningún outro, porque sodes vós as persoas que tendes o superpoder de seguir a darlle mil primaveras máis de vida! Só tendes que berrar e practicar este retrouso máxico: Nós, en galego! A nosa lingua guapa!

Para máis información e ver o video ide a https://primaveradasletras.gal/lingua-guapa/curtametraxe

17 DE MAIO: O DÍA DA NOSA LINGUA

            

O Día das Letras Galegas é un día de exaltación da lingua de Galicia a través da súa manifestación literaria. Comezou a celebrarse o 17 de maio do 1963, coincidindo co centenario da primeira edición de Cantares gallegos, de Rosalía de Castro.

 

Ata 2022, ano dedicado a Florencio Delgado, 62 autores (5 mulleres e 57 homes) foron homenaxeados nas 60 edicións do Día das Letras Galegas, posto que 1998 foi o único ano en que houbo unha homenaxe colectiva (en concreto, a tres trobadores ligados á Ría de Vigo).

Como o festexamos no cole?

Pois con moita música e baile tradiccional, e sobre todo a través dun divertido xogo. Os nenos e nenas do CEIP Daría percorreron todos os lugares do cole en busca de pistas e probas. Todas elas axudaron aos nosos nenos a facer un percorrido pola historia da nosa lingua dun xeito entretido e motivador. Aquí vos deixamos unhas imaxes:

FELIZ DÍA DAS LETRAS GALEGAS  A TODAS E TODAS!

Entroido, á raxeira; Pascua, á lareira

 No CEIP Daría somos ben festeiros.... O meco mandou, e nos obedecemos.

E por suposto, o Entroido quedou ben traballado e celebrado. 

Este ano os disfraces inspiraronse na temática do mar: VIKINGOS, PIRATAS, ANIMAIS MARIÑOS, BUZOS E REDEIROS animáronse coa festa, bailaron coa música, beberon un chocolate quente acompañado dunha bica. Aquí queda algún recordo:

23 DE FEBREIRO: O DÍA DE ROSALÍA

 

Con motivo da celebración do aniversario de Rosalia de Castro, os nenos e nenas de 2º ciclo gravaron un pequeno vídeo sobre a biografía da poetisa galega.

Polo pan baila o can: Visita ao Mercado Municipal de Pontevedra.

 O mércores 19 de xaneiro os nosos nenos e nenas foron de visita ao mercado de Pontevedra.

Aprenderon sobre as carnes do porco, a tenreira...

O peixe e o marisco...

Os queixos de Galicia... Incluso o que é a denominación de orixe!

E rematamos con un concurso de "Saber e gañar":

Pasámolo en GRANDE! Pero eso sí, marchamos de alí cunha fame...

Como nos gustan as saídas fora do cole!

25 N

 

Para conmemorar o DÍA INTERNACIONAL CONTRA A VIOLENCIA DE XÉNERO realizamos unha actividade promovida dende o EDLG. Cada curso escolleu unha canción tradicional con contido machista e deulle a volta aos seus versos.

Con todas as producións creamos o seguinte vídeo:

Tamén decoramos a entrada do cole con palabras bonitas que poden facer as nosas mans:

E decoramos flores para regalarlle as nosas irmáns, nais, avoas, mestras, amigas... en definitiva, AS MULLERES DAS NOSAS VIDAS.

Polo San Martiño, castañas asadas e viño!

 

O pasado venres día 12 de novembro celebramos no cole o Magosto.

Descubrimos que o magosto  é unha festa de orixe pagán, que logo foi cristianizada, e, como tódalas festas de carácter agrario, pode situarse na Prehistoria, cando o ser humano vai adquirindo consciencia individual e social. É unha festividade relacionada co culto á fecundidade; de aí a súa relación directa co lume, representando ó sol, deus fecundador da terra. Trátase  amén dunha comida comunitaria e ritual, que reforza os vencellos comunitarios do mundo rural galego; ten carácter alegre e de acción de gracias polos froitos recollidos, así coma de homenaxe ós castiñeiros e as castañas.

Como o celebramos no cole?

FIXEMOS O LUME:

ASAMOS AS CASTAÑAS:

 

PAPÁMOLAS TODAS:

TIVEMOS XOGOS TRADICIONAIS:

                                    

 

 

                            

 

 

E por suposto... PASÁMOLO XENIAL!