O luns visitamos o SALÓN DO LIBRO. Este ano está dedicado á MÚSICA e o país invitado é PALESTINA.
Orbil saíu a recibirnos e despois fomos percorrendo todas as instalacións do Salón que estaba precioso e cheo de cousiñas marabillosas.
María Campos contounos uns contos moi divertidos, despois puidemos tocar e escoitar diferentes instrumentos, de todo tipo. Non só os creados para facer música, tamén calquer obxecto que servise para emitir sons. Pasámolo en grande!
Para celebrar o 8M visitounos Paula, unha bombeira forestal que nos explicou moitas cousas da súa profesión pero sobre todo destacou a importancia do traballo en equipo, de homes e mulleres en igualdade.
Falounos da roupa e calzado que tiñan que utilizar para protexerse do lume e poder facer con seguridade o seu traballo: botas, chaleco, casco, cobrenuca, pantalóns, guantes e chaquetón resistentes. Tamén nos contou que ferramentas se utilizaban: batelumes, gorgui, hacha, serras e motoserras, ademáis de mangueiras etc.
E por suposto, o que máis nos interesou: que vehículos utilizan para desplazarse aos incendios ademáis do camión: helicóptero, hidroavión e avionetas.
Quedamos encantadas/os coa visita e aprendemos o importante que é o seu traballo e o valentes e fortes que son. E que non só se dedican a apagar lumes, tamén a coidar, vixiar e protexer os montes.
%20-%20Copia.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
O día de Rosalía de Castro celébrase o 23 de febreiro para conmemorar o nacemento da escritora galega. É un xeito de recoñecer a súa figura como referente da cultura e lingua galega.
Este ano, no cole quixemos homenaxear a Rosalía elaborando entre todo o alumnado do Centro un mural coa súa imaxe. Fixémola a partires de elementos vexetais recollidos polos nenos e nenas de Educación Infantil na MILLA DIARIA.
Asemade, os nenos e nenas de Educación Primaria inventaron adiviñas baseadas na vida da escritora e tamén reproduciron a poesía: " Adiós rios, adios fontes" acompañándoa de debuxos relacionadas coa letra da canción. Mirade que mural tan fermoso nos quedou!
En Educación Infantil tamén fixemos retratos da escritora e marcapáxinas de agasallo para as familias. A ver que vos parece!
A celebración do Entroido en Galicia ten un grande arraigo e constitúe unha das festividades máis antigas e auténticas da nosa cultura popular. Por iso quixemos decorar PANTALLAS DE XINZO, e CIGARRÓNS DE VERÍN que forman parte do "Triángulo máxico" de Ourense e homenaxeamos tamén ao LORO RAVACHOL por ser a figura máis representativa da nosa cidade, Pontevedra.
O noso centro educativo súmase á iniciativa de recuperar a figura do apalpador. Consideramos importante recuperar as tradicións galegas e transmitirllas ao noso alumnado.
O APALPADOR é un home de barba rubia, un vello xigante, que vive nas devesas das montañas do Caurel facendo carbón durante todo o ano para escorrentar o frío do inverno. No seu tempo libre O APALPADOR fai xoguetes artesanais con madeira, pedra, cartón... respectuosos co medio ambiente.
O estudo dos textos literarios onde aparece reflectida a súa presenza fala de que lle tocaba a barriguiña aos nenos e nenas para ver se a tiñan chea e lle deixaba unhas castañas para a fame.
Na actualidade os nosos nenos e nenas teñen cubertas as necesidades de alimentación pero de forma simbolica pódese deixar calquera froito seco , como "froitos da sorte para o ano novo" O apalpador tamén pode deixar un xoguete feito a man potenciando así que se valore o material de reciclase, a artesanía, para estimulalos a facer os seus propios xoguetes...
FELIZ 31 DE DECEMBRO, FELIZ DÍA DO APALPADOR!
CELEBRAMOS A FESTA DOS MAIOS NO DARÍA! O xoves 30 de abril celebramos a festa dos Maios no cole. Contamos coa colaboración de toda a Comuni...
